म्हसवड-वृतसेवा-
म्हसवड नगरपालिका हद्दीमध्ये होम कोरेन्टाईनचे शिक्के असणारे काही रुग्ण म्हसवड परिसरातील बाजारपेठेमध्ये फिरताना दिसले,तर काहीजण फळे व भाजी विकत होते.
मुंबई येथील रिक्षाचालक अशोक पांडुरंग कवडे हा तरुण हातावर होमकोरोन्टाईन शिक्का असतानाच शहरात फिरत होता. म्हसवड पोलिसांनी ताब्यात घेऊन त्याच्या विरोधात गुन्हा दाखल केला आहे.
सतर्क नागरिकांनी म्हसवड पोलीस स्टेशनच्या ही बाब लक्षात आणून दिली व संबंधित व्यक्तीला होम कोरन्टाइन केले .
मुंबई व इतर शहरातील नागरिक शहरात गर्दी करीत आहेत. यासाठी म्हसवड नागरीकानी ठोस पावले उचलली आहेत. म्हसवड शहरातील नागरिकांनी एकत्र येऊन म्हसवड पोलीस स्टेशनमध्ये नगरपालिका मुख्याधिकारी, नगराध्यक्ष, नगरसेवक व काही मान्यवर नागरिकांनी बैठक घेतली .
यावेळी म्हसवड शहरातील लोकांच्या आरोग्यासाठी सलग पाच दिवस पूर्णपणे जनता कर्फ्यू राबवण्याचा एकमुखी निर्णय घेण्यात आला.
यावेळी शहरातील प्रतिष्ठित व्यापारी नागरिक पत्रकार व विविध पक्षांचे पदाधिकारी नगरसेवक उपस्थित होते.
मेडिकल व दवाखाने वगळता सर्व दुकाने पूर्णपणे बंद करण्याचा निर्णय यावेळी घेण्यात आला.
यामुळे शहरातील वाहतूक मंदावली आहे. संचार बदीअसताना ही भाजीमंडीं मुळे ठिकाणी गर्दी होती.
नगरपालिका प्रशासनाने सांगुन सुद्धा याबाबत नागरिक सतर्क नव्हते.
सर्व किरणा दुकानदार ,भाजी विक्रेत्यांना विनंती करून पाच दिवस पूर्णपणे जनता कर्फ्यू राबवण्यासाठी मदत करण्याची आव्हान केले.
यामुळे आज सकाळपासून म्हसवड शहरातील सर्व व्यवहार पूर्णपणे बंद ठेवण्यात आले होते.
या कार्याबद्दल म्हसवड परिसरातील लोकांनी संबंधित जागृत नागरिकांना धन्यवाद दिले आहेत.
म्हसवडचे एपीआय गणेश वाघमोडे, नगराध्यक्ष तुषार विरकर, नगरसेवक गणेश रसाळ ,आरपीआयचे किशोर सोनवणे, राष्ट्रवादीचे युवराज सूर्यवंशी, कैलास भोरे ,माजी नगराध्यक्ष विजय धट यांनी शहरातील नागरिकांना पाच दिवस जनता कर्फ्यू पाहण्याचे आवाहन केले.
यास नागरकांनी चांगला प्रतिसाद दिला आहे.
